"Интер" ярим ҳимоячиси Хоқон Чалханўғлу Чемпионлар лигаси 1/8 финал дастлабки ўйинида "Порту" устидан қозонилган ғалаба (1:0) ҳақида фикр билдирди.
"Муҳим натижага эришдик. Бундай жамоага қарши ғалаба қозониш осон эмас, лекин Ромелу ва шерикларим туфайли биз бунга эришдик. Бироқ, қарама-қаршилик ҳали тугамаган. Бизни Португалияда жуда қийин ўйин кутиб турибди. У ерда ғалаба қозониш учун бор кучимизни ишга соламиз. Чемпионлар лигаси жуда муҳим турнир. Бу ерда жуда қийин учрашувлар бўлади, лекин биз ҳар сафар курашамиз. Лукаку учун хурсандман. Жароҳатдан кейин унга осон бўлмади. Энди у мўъжизалар яратиши мумкинлигини кўрсатмоқда. Бу биз учун жуда муҳим", - деди Чалханўғлу УЕФА матбуот хизматига.
