"Челси" ҳужумчиси Жоау Феликс жорий мавсумда жамоаси билан Чемпионлар лигасида ғолиб чиқишни истаётганини айтди. Эслатиб ўтамиз, ⅛ финалнинг илк ўйинида "кўклар" сафарда Дортмунднинг "Боруссия" жамоасига 0:1 ҳисобида имкониятни бой беришган эди. Жавоб ўйини 7 март куни "Стэмфорд Бриж"да бўлиб ўтади.
"Менинг орзум - "Челси" билан Чемпионлар лигасида ғалаба қозониш. Биз чемпионат орқали еврокубокларга чиқишни истаймиз, лекин мен ҳалигача Чемпионлар лигаси ҳақида ўйлашдан тўхтамайман", - деди португалиялик футболчи Absolute Chelsea билан суҳбатда.
Эслатиб ўтамиз, Феликс ҳамон "Челси"нинг февраль ойидаги ягона голи муаллифи. Футболчи "Атлетико"дан ижара асосида "Челси"га ўтганди.
