"Челси" ярим ҳимоячиси Энцо Фернандес жамоага ишончини йўқотмаганини айтди. Эслатиб ўтамиз, аргентиналик футболчи "кўклар" сафида 4 та ўйин ўтказишга муваффақ бўлган, унда Грэм Поттер шогирдлари икки бор дуранг ўйнаб, икки бор мағлуб бўлишган.
“Мен ҳар доим “Челси”га ишонаман, ҳар бир ўйинда ғалаба қозонишга ва профессионал даражада ўсишга ҳаракат қиламан. Асосий мақсад - совринларни ютиш ва футболдан завқ олиш”, - дея Фернандеснинг сўзларидан иқтибос келтиради Челси расмий сайти.
Қишки трансфер ойнасининг сўнгги кунида Энцо "Стемфорд Бриж"га кўчиб ўтди. Келишув 121 миллион еврони ташкил этди ва бу аргентиналикни Англия Премьер-лигаси тарихидаги энг қиммат футболчига айлантирди.