"Челси" ҳимоячиси Марк Кукурелья жамоадаги ҳозирги ҳолат ҳақида гапирди.
"Челси" қишки трансфер ойнасида деярли 330 миллион евро сарфлади. Шунга қарамай, Грэм Поттер жамоаси Премьер-лига турнир жадвалида 10-ўринни эгаллаб турибди.
"Бизда рўйхатда жуда кўп ўзгаришлар бўлди, кўплаб янги футболчилар келиб қўшилди. Менимча, ҳозир биз учун янги даврни қуриш вақти келди.
Мавсумнинг биринчи қисмида биз унчалик яхши ўйнамадик, аммо ҳозир бизда ҳеч қандай баҳона йўқ. Биз қаттиқ машқ қилишимиз керак, Премьер-лигада кучли тўртликка кириш учун бор эътиборимизни ғалаба қозонишга қаратишимиз керак", - деди Кукурелья Goal билан суҳбатда.
"Челси" ҳозирда 4-ўриндаги "Тоттенхэм"дан 11 очко ортда қолмоқда.
