"Chelsi" himoyachisi Mark Kukurelya jamoadagi hozirgi holat haqida gapirdi.
"Chelsi" qishki transfer oynasida deyarli 330 million yevro sarfladi. Shunga qaramay, Grem Potter jamoasi Premyer-liga turnir jadvalida 10-o‘rinni egallab turibdi.
"Bizda ro‘yxatda juda ko‘p o‘zgarishlar bo‘ldi, ko‘plab yangi futbolchilar kelib qo‘shildi. Menimcha, hozir biz uchun yangi davrni qurish vaqti keldi.
Mavsumning birinchi qismida biz unchalik yaxshi o‘ynamadik, ammo hozir bizda hech qanday bahona yo‘q. Biz qattiq mashq qilishimiz kerak, Premyer-ligada kuchli to‘rtlikka kirish uchun bor e’tiborimizni g‘alaba qozonishga qaratishimiz kerak", - dedi Kukurelya Goal bilan suhbatda.
"Chelsi" hozirda 4-o‘rindagi "Tottenxem"dan 11 ochko ortda qolmoqda.
