"Барселона" бош мураббийи Хави Эрнандес жамоасининг ёзги трансфер бозоридаги режалари ҳақидаги тахминлари билан ўртоқлашди.
"Ёзги трансфер ойнасида нима қилишимизни кўрамиз. Молиявий муаммоларни ҳисобга олсак, имкониятларимиз қандай бўлишини билмайман. Ривожланиш учун ўзимизни танқид қилишимиз керак. Биз омадсизмиз, бироқ ўтган мавсумга нисбатан катта ўзгаришларга эриша олдик", — деди Хави “Манчестер Юнайтед” томонидан Европа лигасидан чиқариб юборилганидан кейин ўтказилган матбуот анжуманида.
Эслатиб ўтамиз, "Барселона" аввалроқ бир нечта эркин агентларнинг трансфери билан қизиқаётгани ҳақида хабар берилганди. Клуб ярим ҳимоячи Илкай Гюндоган ва ҳужумчи Маркус Тюрамга қизиқиш билдирган.
