"Barselona" bosh murabbiyi Xavi Ernandes jamoasining yozgi transfer bozoridagi rejalari haqidagi taxminlari bilan o‘rtoqlashdi.
"Yozgi transfer oynasida nima qilishimizni ko‘ramiz. Moliyaviy muammolarni hisobga olsak, imkoniyatlarimiz qanday bo‘lishini bilmayman. Rivojlanish uchun o‘zimizni tanqid qilishimiz kerak. Biz omadsizmiz, biroq o‘tgan mavsumga nisbatan katta o‘zgarishlarga erisha oldik", — dedi Xavi “Manchester Yunayted” tomonidan Yevropa ligasidan chiqarib yuborilganidan keyin o‘tkazilgan matbuot anjumanida.
Eslatib o‘tamiz, "Barselona" avvalroq bir nechta erkin agentlarning transferi bilan qiziqayotgani haqida xabar berilgandi. Klub yarim himoyachi Ilkay Gyundogan va hujumchi Markus Tyuramga qiziqish bildirgan.
