"Манчестер Юнайтед" бош мураббийи Эрик тен Хаг Европа лигаси 1/16 финал жавоб ўйинида "Барселона" устидан қозонилган ғалаба ҳақида гапирди.
"Манкунианликлар" 2:1 ҳисобида ғалаба қозониб, турнирнинг кейинги босқичига йўл олишди.
"Агар сиз "Барселона"ни мағлуб этсангиз, бошқа жамоаларни ҳам мағлуб эта оласиз. Бундай ғалабалардан кейин ўз кучига бўлган ишонч янада кучаяди. Биз жуда кучли клубга қарши ўйинда муваффақият қозондик. "Манчестер Юнайтед" ҳар қандай яхши жамоани мағлуб этиш имкониятига эга", - деди нидерландиялик мураббий Guardian нашрига.
“Қизил иблислар”нинг рақиби бугун, 24 февраль куни бўлиб ўтадиган қуръа ташлаш маросимида аниқланади.
