1-18 март кунлари Тошкент ва Фарғона шаҳарларида қитъанинг энг нуфузли турнирларидан бири — U-20 Осиё кубоги мусобақаси бўлиб ўтади.
ЎФА биринчи вице-президенти Равшан Ирматов ҳамда мазкур мусобақа бош координатори Жессие Даи Фарғона вилоятига ташриф буюриб, ҳудуддаги футбол инфратузилмасини инспекция қилдилар.
Делегация вакиллари “Истиқлол” стадиони, Қувасой ва Киргули машғулот майдонларида олиб борилаётган мусобақа олди тайёргарлик ишларини кўздан кечирдилар. Шунингдек, машғулотларга олиб борувчи йўллар, ташкилий-маъмурий зоналар, кийим алмаштириш хоналари, медиа трибуналар, майдонлар ҳолати, хусусан, ёритиш ва дренаж тизимлари ўрганиб чиқилди.
Ишчи гуруҳга Фарғона вилояти ҳокими ўринбосари Файзулло Қосимов ва Фарғона шаҳри ҳокими Восилжон Назаров ҳамроҳлик қилиб, тайёргарликни ўз вақтида якунлаш ҳамда мусобақани юқори савияда ўтказиш бўйича ўзаро фикр алмашдилар.