1-18 mart kunlari Toshkent va Farg‘ona shaharlarida qit’aning eng nufuzli turnirlaridan biri — U-20 Osiyo kubogi musobaqasi bo‘lib o‘tadi.
O‘FA birinchi vise-prezidenti Ravshan Irmatov hamda mazkur musobaqa bosh koordinatori Jessiye Dai Farg‘ona viloyatiga tashrif buyurib, hududdagi futbol infratuzilmasini inspeksiya qildilar.
Delegasiya vakillari “Istiqlol” stadioni, Quvasoy va Kirguli mashg‘ulot maydonlarida olib borilayotgan musobaqa oldi tayyorgarlik ishlarini ko‘zdan kechirdilar. Shuningdek, mashg‘ulotlarga olib boruvchi yo‘llar, tashkiliy-ma’muriy zonalar, kiyim almashtirish xonalari, media tribunalar, maydonlar holati, xususan, yoritish va drenaj tizimlari o‘rganib chiqildi.
Ishchi guruhga Farg‘ona viloyati hokimi o‘rinbosari Fayzullo Qosimov va Farg‘ona shahri hokimi Vosiljon Nazarov hamrohlik qilib, tayyorgarlikni o‘z vaqtida yakunlash hamda musobaqani yuqori saviyada o‘tkazish bo‘yicha o‘zaro fikr almashdilar.
