«Милан» ҳужумчиси Оливье Жиру клуб билан шартномасини узайтирмоқчи эканлигини айтди.
«Мен «Милан»да қолмоқчиман. Умид қиламанки, биз келишувни қабул қиламиз. Биз янги шартнома бўйича музокаралар олиб бормоқдамиз ва мен улар муваффақиятли якунланишини ҳис қиляпман», деди Жиру DAZN нашрига берган интервьюсида.
Жиру 2021 йил июлидан бери «Милан» сафида тўп тепади. 2022/23 йилги мавсумда ҳужумчи барча мусобақаларда жамоаси сафида 30 та ўйинда майдонга тушиб, 11 та гол урди ва 6 та голли узатмани амалга оширди.
36 ёшли франциялик футболчининг шартномаси 2023 йилнинг июнь ойи охиригача амал қилади.
