«Ювентус» ва «Интер» «Аталанта» ҳужумчиси Адемола Лукманга кўз тиккан. Журналист Экрем Конурнинг фикрича, нигериялик футболчи А Сериянинг топ-клублари учун жуда қизиқ вариант бўлиб қолмоқда.
Лукманга шунингдек, Англия, Франция ва Испанияда ҳам талаб бор. Футболчи жорий мавсумда катта ютуқларга эришмоқда.
Адемола фаолияти давомида Англия премьер-лигасида «Эвертон», «Фулхэм», «Лестер» каби жамоаларда ўйнашга ҳам муваффақ бўлган.
Жорий мавсумда футболчи Италия чемпионатида 12 та гол урди ва 4 та голли узатмани амалга оширди.
