"Манчестер Сити" бош мураббийи Хосеп Гвардиола Фил Фоден нима учун кам майдонга тушаётганини тушунтирди.
"Фоден ақл бовар қилмайдиган куч сарфлади, оғриқни бошдан кечирди ва у шундай деди: "Пеп, энди чидай олмайман". Шунинг учун у дам олиши керак эди. Биз унга бир ёки икки ҳафта вақт бердик, шундан сўнг Риёд Маҳрез мавсумдаги энг яхши ўйинини тақдим этди, бундан ташқари Жек Грилиш бир қадам олдинга чиқди.
Агар сиз Филга ишонмайман десангиз, буни унутинг. Фил бизнинг олмосимиз. Агар футболчи бир мавсумда камроқ ўйнаса, бу нормал жараён", - дея Гвардиоланинг сўзларини келтиради Goal портали.
