Ярим ҳимоячи Марсело Брозович ёзги трансфер ойнасида “Интер”ни тарк этиши мумкин. Хорватга ўринбосар сифатида Милан клуби "Лацио"дан Сергей Милинкович-Савични кўриб чиқмоқда. Бу ҳақда Calciomercato ўз саҳифаларида хабар берди.
Сергей Милинкович-Савич 2015 йил августидан буён “Лацио” сафида тўп суради. Ўшандан бери серб "бургутлар" сафида 324 та ўйин ўтказиб, 64 та гол урган ва 59 та голли узатмани ҳамкорларига берган.
Transfermarkt портали мутахассислари Сергей Милинкович-Савични 60 миллион еврога баҳоламоқда.
Аввалроқ Сергей Милинкович-Савичнинг "Ювентус"га ўтиши ҳақида миш-мишлар тарқалган эди.













