"Манчестер Юнайтед" ҳужумчиси Маркус Рэшфорд жорий мавсумдаги ўйини ҳақида гапирди.
Эслатиб ўтамиз, барча турнирларда 25 ёшли футболчи манкунианликлар сафида 37та ўйин ўтказиб, 24та гол урган ва 9та голга ассистентлик қилган.
Рэшфорд фикрича, футболда тўғри менталитет катта роль ўйнайди, шунинг учун энди у бу жиҳатга кўпроқ эътибор қаратмоқда.
“Мен гол уриладиган ҳудудлардаман. Бу мен сўнгги бир неча йил давомида ишлаган нарсам. Футболда 95 фоиз сизнинг менталитетингизга боғлиқ. Бу ўйин учун пойдевор қўяди", - дея Рэшфорд сўзларини келтиради The Guardian.
АПЛнинг 24-туридан сўнг “қизил иблислар” 49 очко билан турнир жадвалида учинчи ўринда бормоқда.
