Грознийнинг "Терек" клуби бош мураббийи Станислав Черчесов чемпионатнинг 7-турида "Рубин"га қарши ўйин олдидан ва ундан кейин Россия терма жамоаси бош мураббийи Фабио Капелло билан учрашгани ҳақида гапириб берди.
"Биз дастлаб ўйин олдидан суҳбатда бўлдик. Капелло россиялик футболчилардан кимлар майдонга тушишини ва яна кимларни назорат остига олишини гапирди. Кейин маълум бўлишича, биз Москвага бир рейсда учамиз экан. Шунинг учун самолётда ҳам суҳбатлашдик. Мен ундан терма жамоа машғулотларига ташриф буюришим мумкинлигини сўрадим. Капелло рад этмади. Мен Москвада эканман, бундай имкониятдан фойдаланмаслигим гуноҳ бўлар эди. Чунки, "Бешикдан қабргача илм изла" деган принципга амал қиламан", - дейди Черчесов.
