"Ливерпуль" ҳужумчиси Дарвин Нуньес "Кристал Пэлас"га қарши ўйин учун қайдномага киритилмади.

Журналист Иан Дойлнинг ёзишича, 23 ёшли уругвайлик футболчи жароҳати туфайли таркибга киритилмаган - у ўтган ҳафта охирида "Ньюкасл" билан учрашувда олган елкасидан олган жароҳати туфайли ҳамон оғриқдан азият чекмоқда.

Эслатиб ўтамиз, бу унинг "Реал" билан Чемпионлар лигасида (2:5) ўйнашига ва ҳаттоки "қаймоқранглилар" дарвозасига ажойиб зарба билан гол уришига тўсқинлик қилмади.

Дарвин Нуньес жорий мавсум “Ливерпуль” сафида 29 та ўйинда майдонга тушиб, 12 та гол урди ва 4 та голли узатмани амалга оширди.