Якшанба куни А Серия турнир жадвалида иккинчи ўринда бораётган “Интер” сафарда “Болонья”га 0:1 ҳисобида имкониятни бой берди. Турнинг қолган ўйинлари қандай якунланишидан қатъи назар, пешқадам “Наполи” ва энг яқин таъқибчи ўртасидаги фарқ 18 очколигича қолади. Неаполликлар 1990 йилдан бери кутилаётган лига чемпионлигига янада яқинроқ келишди.

Куни кеча матбуотда “Наполи” чемпионлик байрамини ҳозирданоқ режалаштиришни бошлагани ҳақида хабарлар тарқалганди. Неаполдаги байрамлар июнь ойининг бошида ўтказилиши мумкин.

Италия А сериясининг навбатдаги ўйида “Наполи” 3 март куни ўз майдонида “Лацио”га қарши ўйнайди.