"Барселона" "Негрейра иши" туфайли махсус матбуот анжумани ташкил қилмоқчи, деб хабар беради Mundo Deportivo нашри.
Клуб ҳакамларга пора берганликда айбланмоқда. ОАВда 2016 йилдан 2018 йилгача каталонияликлар Хосе Мария Энрикес Негрейрага тегишли бўлган DASNIL 95 компаниясига умумий қиймати 1,4 миллион еврони ўтказгани ҳақида маълумотлар пайдо бўлди. Ўшанда у Испания Қироллик футбол федерацияси (RFEF) техник ҳакамлар қўмитаси вице-президенти лавозимида ишлаган.
"Барселона" омма олдида ўз обрўсини ҳимоя қилмоқчи ва журналистларга клуб ҳакамларни пора беришга алоқаси йўқлигини тушунтирмоқчи.
