"ПСЖ" ҳужумчиси Килиан Мбаппе жамоадоши Лионель Мессини табриклади.
35 ёшли аргентиналик футболчи ФИФА талқини бўйича 2022 йилнинг энг яхши футболчиси совринини қўлга киритди, Мбаппе эса якуний рейтингда иккинчи ўринни эгаллади.
"Совринлар коллекцияси учун яна бир мукофот. Табриклайман. Сиз энг зўрсиз", - деб ёзди 24 ёшли франциялик футболчи ижтимоий тармоқда.
Килиан Мбаппе Лионель Мессидан битта гол фарқи билан олдинда бўлиб, Қатардаги жаҳон чемпионатининг энг яхши тўпурари бўлди. Қатар мундиалининг финалида аргентиналиклар "ПСЖ" ҳужумчисининг хет-трикига қарамай, пенальтилар сериясида французларни мағлуб этишди.
