"Ливерпуль" марказий ҳимоячиси Виржил ван Дейк Лионель Мессини жамоадоши Муҳаммад Салоҳдан устун кўрди.
31 ёшли футболчи The Best соврини учун овоз бериш ҳуқуқига эга эди, чунки у Нидерландия терма жамоаси сардори ҳисобланади. Испания матбуоти хабарига кўра, барча даъвогарлар орасида ван Дейк Лионель Мессини биринчи ўринга қўйди. Иккинчи бўлиб Муҳаммад Салоҳга, 3-бўлиб эса Кевин де Брюйнега овоз берди нидерландиялик ҳимоячи.
Айнан Лионель Месси ФИФА талқинига кўра 2022 йилнинг энг яхши футболчиси деб топилди. Муҳаммад Салоҳ ван Дейк қўллаб-қувватлаганига қарамай, бор-йўғи 14-ўринни эгаллади, Кевин де Брюйне эса ўнинчи бўлди.