Туриннинг "Ювентус" клуби мухлислари учун хушхабар. 29 январь куни "Монца" билан ўйинда жароҳат олган польшалик ҳужумчи Аркадиуш Милик сафга қайтишга тайёр. Шифокорлар Миликка юкламаларни қабул қилишга рухсат беришди ва бу унинг умумий гуруҳ билан шуғулланиши мумкинлигини англатади.
Қайтиш масаласи бир неча кунлик масала. Бугун бўлиб ўтадиган "Торино"га қарши ўйинда унинг майдонга тушишини кутиш даргумон, аммо кейинги ҳафтада "Рома" ва "Фрайбург" билан ўйинларда у майдонга тушишга тайёр бўлади.
Эслатиб ўтамиз, Милик ўтган йилдан бери Туриннинг "Ювентус" жамоасини ҳимоя қилиб келмоқда, аввалроқ у "Марсел"да ўйнаган.
