"Вест Хэм" ярим ҳимоячиси Лукас Пакетага "Арсенал" ва "Ньюкасл" қизиқиш билдирмоқда.
Миш-мишларга кўра, бразилиялик футболчи ўтган ёзда "Арсенал"га ўтиши мумкин эди, аммо футболчи 43 миллион евро эвазига "Лион"дан "Вест Хэм"га ўтди. "Канонирлар" жорий мавсум якунида 25 ёшли футболчини қўлга киритиш учун курашишга тайёр, дея хабар беради Fichajes нашри. Шунингдек, "болғачилар"нинг ҳужумкор ярим ҳимоячисига "Ньюкасл" ҳам қизиқиш билдирмоқда.
Хабарларга кўра, "Вест Хэм" Лукас Пакетни сотишдан камида 70 миллион евро ишлаб олишни мақсад қилган, Transfermarkt портали эса футболчининг нархини 45 миллион еврога баҳоламоқда.
Пакета жорий мавсум Премьер-лигада 16 ўйинида иккита гол урди ва иккита голли узатмани амалга оширди.
