"Реал" ўтган ёзда бразилиялик ярим ҳимоячи Каземирони ўзида сақлаб қолишни режалаштирган, дея хабар бермоқда журналист Фабрицио Романо.

Манба берган хабарга кўра, мадридликларнинг хоҳишига қарамай, "Манчестер Юнайтед" қўнғироқ қилганида, ярим ҳимоячи бу таклифни қабул қилиб, "Реал"дан кетишга қарор қилган. Қайд этилишича, Каземиро "манкунианликлар"дан ташқари бошқа жамоага ўтишга яқин эмас эди.

Эслатиб ўтамиз, Каземиро 2013 йилдан 2022 йилгача "Реал" шарафини ҳимоя қилган. Бразилиялик футболчи "қаймоқранглилар" билан биргаликда беш марта Чемпионлар лигасида ғолиб чиқди ва уч марта Испания чемпиони бўлди.

31 ёшли ярим ҳимоячи жорий мавсумда “Манчестер Юнайтед” сафида 33 та ўйинда майдонга тушиб, 5 та гол урди ва 5 та голли узатмани амалга оширди.