"Ливерпуль" ҳужумчиси Дарвин Нуньес жамоасининг Англия Премьер-лигаси доирасида "Вулверхэмптон"га қарши 1 март куни "Энфилд"да бўлиб ўтадиган навбатдаги ўйинида иштирок этиши мумкин.

Эслатиб ўтамиз, ўтган турда "Кристал Пэлас" билан ўйинда Нуньес кичик жароҳат олгани, шу сабабли унинг "Вулверхэмптон" билан ўйиндаги иштироки сўроқ остида қолган эди. Birmingham Live хабарига кўра, "Ливерпуль" тиббий штаби "бўрилар"га қарши ўйин олдидан уругвайлик футболчининг ҳолатига баҳо беради. Дарвин тўлиқ тайёр бўлса, бош мураббий Юрген Клопп уни майдонга туширади.

Нуньес АПЛнинг жорий мавсумида 6 та гол урди ва 3 та голли узатмани амалга оширди.