«Нурафшон-2022» ўтган мавсум Бухоро футбол ассоциацияси томонидан ўтказилган Иккинчи лига мусобақасида ғолибликни қўлга киритган. Мавсум сўнгида Бухоро мезбонлик қилган пулка мусобақасида ҳам бош совринга эга чиқиб, Лига томонидан ўтказиладиган Биринчи лига мусобақасида иштирок этиш имкониятини қўлга киритган.  

Эндиликда Бухоро шаҳри шарафини ҳимоя қилувчи жамоа талаб этилган ҳужжатларни Лигага тақдим этди ҳамда биринчилик қатнашчилари сафига қўшилди. Жамоа уй учрашувларини «Умид» қароргоҳида ўтказиши режалаштирилган.

«Нурафшон-2022» жамоаси 2023 йилги мавсум Биринчи лигада шартли равишда иштирок этишини унутмаслик керак. Йил сўнгида барча жамоалар қатори «Нурафшон-2022» жамоасининг молиявий ҳисоботи қай тариқа юритилиши ўрганилади. Бунда минимал талабларнинг қай тариқа бажарилиши муҳим аҳамият касб этади.