Испаниялик собиқ ярим ҳимоячи Сеск Фабрегас "Барселона" мухлисларининг Лионели Мессига бўлган муносабати ҳақида гапирди.
Аргентиналик ҳужумчи ўтган йилнинг ёзида "ПСЖ"га кўчиб ўтган эди, аммо кўпчиликнинг фикрига кўра, "Барселона"да унинг ютуқларини аввалгидек қабул қилишади.
"Бу сентиментал, лекин Месси ҳар доим мухлислар учун "Барселона" футболчиси бўлиб қолади. У клуб тарихидаги энг яхши футболчи ва у қаерда ўйнамасин, буни ўзгартириб бўлмайди", - деди ўз вақтида Месси билан "Барселона"да ўйнаган 35 ёшли Фабрегас.
Эслатиб ўтамиз, кеча Лионель Месси ФИФА талқинига кўра 2022 йилнинг энг яхши футболчиси деб тан олинган эди.
