"Бавария" ҳимоячиси Бенжамин Паварга ҳамон "Барселона" ва "Интер" қизиқиш билдирмоқда.
Яқинда француз "Бавария" вакиллари билан келишмовчиликларни бартараф этиб, уларни ўзининг асосий таркибга муносиблигига ишонтирди. Қайд этилишича, 26 ёшли футболчи клубда қолиши мумкин, мюнхенликлар эса у билан шартномани узайтиришга тайёр. Паварнинг амалдаги шартномаси 2024 йилгача мўлжалланган бўлиб, бу бошқа клубларнинг эътиборини тортишда давом этмоқда: TMW хабарига кўра, "Бавария"нинг бу борадаги позицияси ўзгарганига қарамай, "Интер" ва "Барселона" ёзда футболчини ўз сафига қўшиб олишга ҳаракат қилади.
Transfermarkt французни 35 миллион еврога баҳоламоқда.
