Мадриднинг “Атлетико” клуби ва Аргентина терма жамоаси ярим ҳимоячиси Родриго де Пауль мамлакат терма жамоаси ҳақида гапирди.
"Лионель Скалони нолдан бошлади ва терма жамоага кўп нарса олиб келди. Менимча, биз терма жамоанинг тарихдаги энг яхши вариантини яратдик. Аммо менинг бу сўзларим туфайли ҳеч кимнинг ғазабланишини хоҳламайман, чунки Аргентина жуда бой футбол тарихига эга", - деди де Пауль Tyc Sports билан суҳбатда.
Аргентина терма жамоаси Қатарда бўлиб ўтган 2022 йилги жаҳон чемпионатида ғалаба қозонди. Улар Жаҳон чемпионатининг финал учрашувида Франция устидан қозонилган ғалабани нишонлади (3:3, пенальтилар бўйича 4:2).
