"Реал" ҳимоячиси Эдер Милитао Туриннинг "Ювентус" клубига ўтиши мумкин эди. Бу ҳақда унинг агенти маълум қилди
"Эдер "Порту"да ўйнаганида "Ювентус"дан таклиф бўлган эди. Бироқ Милитао мадридликлар фойдасига қарор қилди. Туринликларга ҳурмат билан, менинг мижозим тўғри танлов қилди деб ўйлайман. Ҳозир у "Реал Мадрид"нинг асосий таянчи, - дея хабар беради ҳимоячи вакили Madrid Xtra нашрига.
Эдер "қаймоқранглилар" сафига 2019 йилнинг ёзида келиб қўшилганди. Унинг трансфери "Реал"га 50 миллион еврога тушди. Ҳимоячининг мадридликлар билан тузган меҳнат шартномаси 2025 йилнинг ёзида якунига етади.