"Барселона" бир вақтнинг ўзида учта ярим ҳимоячига кўз тикмоқда, улардан бирини келаси ёзда қўлга киритишга ҳаракат қилади. Гап “Вильярреал”дан Дани Парехо, шунингдек, “Манчестер Сити”дан Бернарду Силва ва Илкай Гюндоган ҳақида кетмоқда. Mundo Deportivo нашрининг таъкидлашича, рўйхатдаги барча футболчилар "кўк-анорранглилар"нинг қисқа рўйхатидан жой олган.

"Барселона" учун энг осон йўли Илкай Гюндоганни қўлга киритиш бўлади, чунки ярим ҳимоячининг "Манчестер Сити" билан шартномаси ёзда тугайди. Дани Парехо ва Бернарду Силва ўз клублари билан узоқ муддатли шартномага эга.

Эслатиб ўтамиз, "Барселона" ҳали ҳам молиявий муаммоларга дуч келмоқда ва жамоада маошни камайтириши керак.