Мадриднинг "Реал" клуби ярим ҳимоячиси Тони Кроос "ПСЖ" клуби ва Аргентина терма жамоаси ҳужумчиси Лионель Мессининг ФИФА талқини бўйича йилнинг энг яхши футболчиси номинациясидаги ғалабасига муносабат билдирди.
"Жаҳон чемпионати совринлар ҳақида гап кетганда ҳар доим муҳим роль ўйнайди. Охирги жаҳон чемпионатида Месси кўзга кўринган футболчи эди, шунинг учун унинг ғалабаси сюрприз бўлмади", - деди Кроос Einfach mal Luppen билан суҳбатда.
35 ёшли Месси жорий мавсумда "ПСЖ" сафида 28 та ўйинда майдонга тушиб, 17 та гол ва 16 та голли узатмани амалга оширди.
Эслатиб ўтамиз, Аргентина терма жамоаси 2022 йилда жаҳон чемпиони бўлганди ва Месси турнирнинг энг яхши футболчиси сифатида эътироф этилганди.
