Португалия терма жамоаси ва Лиссабоннинг "Бенфика" клуби ҳужумчиси Гонcалу Рамуш фаолиятини Англия клубларида давом эттириши мумкин.
Todofichajes нашрининг хабарига кўра, 21 ёшли ҳужумчига "Манчестер Юнайтед" клуби қизиқиш билдирмоқда. "Қизил иблислар" қишки трансфер ойнасида Рамушни ўз сафига қўшиб олиб вариантини кўриб чиқди, бироқ келишув амалга ошмади. "Манкунианликлар" футболчини келаси ёзда сотиб олишга ҳаракат қилишади.
"Бенфика" музокаралар олиб боришга ва ҳужумчини камида 100 миллион еврога баҳолашга тайёр. Гонсалунинг Лиссабон клуби билан шартномаси 2025/2026 йилги мавсум охиригача амал қилади.
