Матбуотда ҳужумчи Раҳим Стерлинг ёзда "Челси"ни тарк этиши мумкинлиги ҳақида маълумотлар пайдо бўлди. Бу ҳақда футболчининг вакили Келли Хогарт фикр билдирди.
"Стерлинг "Челси"дан норозилигини билдирмади. У узоқ муддатли келажагини янги эгалик остидаги клубга бағишлади ва унинг бўлажак трансфер ойнасидаги ўрни кўриб чиқилмайди", - деб ёзди Хогарт ижтимоий тармоқда.
Рахим Стерлинг "Челси" сафида 25 та ўйинда майдонга тушди. Уларда ҳужумчи олтита гол урди ва шерикларига учта самарали узатма берди.
"Челси" ҳозирда АПЛ турнир жадвалида ўнинчи ўринда бормоқда.