"Манчестер Юнайтед" ҳимоячиси Харри Магуайр Англия кубоги 1/8 финалида "Вест Хэм" устидан қозонилган ғалаба (3:1) ҳақида фикр билдирди.
“Биринчи бўлимда ёмон ўйнадик. Биз гол ўтказиб юбордик, аммо кейин ҳайратланарли реакция бўлди – биз курашни давом эттирдик ва ҳаммаси яхши бўладигандек туюлди. Гарначо жуда яхши, у ажойиб истеъдодга эга ёш йигит. Ҳозиргидек меҳнат қилиб, машқ қилса, бутун дунё унинг оёғида бўлади.
Энг яхши жамоалар ҳеч қачон ўзларига ишонишдан тўхтамайдилар. Биз ҳозирча энг яхши жамоалардан бири деб айтмаяпман, қилишимиз керак бўлган ишлар кўп, лекин биз олдинга қадам ташлаяпмиз, бизда фалсафа бор”, - дея Магуайр сўзларини келтиради BBC.
“Манчестер Юнайтед” чорак финалда “Фулхэм”га қарши баҳс олиб боради. Учрашув 18 март куни бўлиб ўтади.
