«Бавария»нинг собиқ футболчиси Лотар Маттеус 1999 йилги Чемпионлар лигаси финалида «Манчестер Юнайтед»га қарши ўйиндаги мағлубиятни эслади.
Ўшанда «манкунианликлар» учрашув якунида бурчак тўпидан иккита гол уриб, кубокни қўлга киритишганди.
«1999 йилги Чемпионлар лигаси финали фаолиятимдаги энг аччиқ нуқта бўлган. Шубҳасиз. Ўша кечада биз «Манчестер Юнайтед»дан анча устун эдик.
Бу мағлубият жуда оғриқли бўлди», - дейди Маттеус.
Маттеус фаолияти давомида Чемпионлар лигасида ғалаба қозона олмаган. Немис ўз фаолиятини 2000 йилда Американинг «Нью-Йорк Метро Старз» жамоасида якунлаган.
