Мюнхеннинг "Бавария" клуби яқин келажакда икки ҳужумкор футболчиси билан хайрлашиши мумкин. Гап қанот ярим ҳимоячилари Лерой Сане ва Серж Гнабри ҳақида кетмоқда.
Сане ва Гнабри "Бавария"нинг энг кўп маош олувчи футболчилари 6 талигига киради. Лерой йилига 20 миллион евро, Серж эса 19 миллион маош олади. Bild хабарига кўра, агар футболчилар яқин орада оптимал формага чиқа олишмаса, уларни сотиш вариантини кўриб чиқишга тайёр бўлади.
Сане жорий мавсум Будеслигада 6 та гол ва 3 та голли узатмага муаллифлик қилган, Гнабрида эса лигада 9 та гол ва 4 та голли узатма бор.