"Бавария" дарвозабони Янн Зоммер январь ойида Мюнхен клуби томонидан қизиқиш бўлаётгани ҳақида эшитганида ўзини қандай ҳис қилгани ҳақида фикр билдирди.
Эслатиб ўтамиз, 34 ёшли швейцариялик посбон Менхенгладбахнинг "Боруссия" клубидан Юлиан Нагельсманн жамоасига 11 миллион евро эвазига ўтган эди.
"Бавария"нинг қизиқиши ҳақида эшитганимда, кетишни хоҳлаганимни дарҳол англадим. Аввалига таркиб туфайли ишлар яхши юрмаганди, ҳозир ҳаммаси жойида. Мен қониқдим, лекин доим тараққиётга интиламан" - деди Зоммер.
Зоммер "Бавария" таркибида 9 та ўйин ўтказди ва шулардан 4 тасида ўз дарвозаси даҳлсизлигини сақлади.
