"Наполи" вингери Хвича Кварацхелиянинг агенти Мамука Джугели мижозининг қайси жамоага мухлислик қилиши ҳақида гапирди. Эслатиб ўтамиз, грузиялик футболчи А Сериядаги илк мавсумидаёқ 20 учрашувда 10 та гол ва 9 та голли узатмани амалга оширган.
"Хвичанинг отаси ва мен "Барселона"ни қўллаб-қувватлаймиз, аммо футболчининг ўзи "Реал" мухлиси. Мен уни "Барселона"да кўришдан хурсанд бўлардим, лекин унинг истаклари бутунлай бошқача", - деди футболчининг агенти.
Эслатиб ўтамиз, аввалроқ Хвича болаликдаги кумирлари Криштиану Роналду ва Гути бўлганини тан олганди, улар турли вақтларда "Реал" шарафини ҳимоя қилганлар. Кварацхелияга ҳозирча "Ливерпуль" ва "Манчестер Сити" клублари қизиқиш билдиришган.
