Ёзги трансфер ойнасида Лондоннинг "Челси" ва "Милан" клублари ўртасида ўйинчилар алмашинуви бўлиб ўтиши мумкин. Бу ҳақда Goal.com портали хабар тарқатмоқда.
Инглиз клуби анчадан буён ҳужумчи излаб юрибди ва таркибни ҳуқуқлари "Милан"га тегишли бўлган португалиялик Рафаэль Леау билан кучайтиришни кутмоқда. "Кўклар" "Милан"га америкалик вингер Кристиан Пулишични таклиф қилишга тайёр. Катта эҳтимол билан, лондонликлар маълум миқдорда пул тўлашлари керак, чунки Леау нархи Кристианникидан бир неча баравар юқори.
Рафаэль жорий мавсум А Серияда 23 ўйинда 8 та гол урди ва 6 та голли узатмани амалга оширди. Пулишич Премьер-лиганинг 16 ўйинида битта гол урган ва битта ассистентлик қилган.
