Yozgi transfer oynasida Londonning "Chelsi" va "Milan" klublari o‘rtasida o‘yinchilar almashinuvi bo‘lib o‘tishi mumkin. Bu haqda Goal.com portali xabar tarqatmoqda.
Ingliz klubi anchadan buyon hujumchi izlab yuribdi va tarkibni huquqlari "Milan"ga tegishli bo‘lgan portugaliyalik Rafael Leau bilan kuchaytirishni kutmoqda. "Ko‘klar" "Milan"ga amerikalik vinger Kristian Pulishichni taklif qilishga tayyor. Katta ehtimol bilan, londonliklar ma’lum miqdorda pul to‘lashlari kerak, chunki Leau narxi Kristiannikidan bir necha baravar yuqori.
Rafael joriy mavsum A Seriyada 23 o‘yinda 8 ta gol urdi va 6 ta golli uzatmani amalga oshirdi. Pulishich Premyer-liganing 16 o‘yinida bitta gol urgan va bitta assistentlik qilgan.
