Халқаро футбол федерацияси (ФИФА) 2024 йилги Олимпиада ўйинларидан кейин “Стад де Франс” стадионини сотиб олиш бўйича тендерда иштирок этишни режалаштирмоқда, деб хабар беради L’Equipe нашри.
ФИФА президенти Жанни Инфантино 15 февраль куни Парижда бўлиб ўтган учрашувда Франция президенти Эммануэль Макрон билан аренани сотиб олиш масаласини муҳокама қилди. Қайд этилишича, жинсий зўравонлик айбловлари туфайли Франция футбол федерацияси президенти лавозимидан кетган Ноэль Ле Грей ФИФАга мамлакат расмийлари билан музокараларда ёрдам беради.
"Стад де Франс" Париж чеккасида - Сен-Денида жойлашган. У 1998 йилги жаҳон чемпионати бошланишидан бир неча ой олдин очилган. Арена хусусий консорциум томонидан 2025 йилнинг июнигача давом этадиган концессия билан бошқарилади. Стадионнинг нархи 600 миллион еврога баҳоланмоқда.
Эслатиб ўтамиз, "Стад де Франс" Париждаги ёзги Олимпиада ўйинлари учун арена сифатида фойдаланилади.
