Мюнхеннинг "Бавария" клуби ҳимоячиси Бенжамен Павард мухлисларга ваъда берди.
Агар жамоаси мавсум якунида барча мумкин бўлган совринларни қўлга киритса, франциялик футболчи сочини сариқ рангга бўяйди.
Эслатиб ўтамиз, Юлиан Нагельсманн жамоаси Чемпионлар лигаси, Бундеслига ва Германия кубогида ғолиблик учун курашни давом эттирмоқда.
Павар журналист Керри Хауга берган интервьюсида: "Агар мавсум охирида треблни қўлга киритсак, сочларимни сариқ рангга бўяйман" - деди.
Аввалроқ, Павар мавсум охирида "Бавария"ни тарк этиши ҳақида хабарлар тарқалган эди. Ваҳоланки, сўнгги пайтларда француз ўз ўйинлари билан мюнхенликлар клуби раҳбариятини хурсанд қилмоқда. Томонлар 2024 йилнинг ёзида тугайдиган шартномани узайтиришлари мумкин.
