Каталониянинг "Барселона" жамоасининг ҳимоячиси Маркос Алонсо Испания кубоги 1/2 финалининг биринчи ўйинида Мадриднинг "Реал" жамоаси устидан қозонилган ғалаба ҳақида фикр билдирди.
"Барселона" муҳим ғалабага эришди ва финал сари қадам ташлади. Мақсадимизнинг ярмига эришдик, аммо "Камп Ноу"да яна 90 дақиқа бор. Биз концентрацияни йўқотолмаймиз. Мухлисларимизнинг қўллаб-қувватлашига умид қиламиз", - деди Алонсо AS билан суҳбатда.
Эслатиб ўтамиз, "Сантьяго Бернабеу"да кечган учрашув каталонияликларнинг 1:0 ҳисобидаги минимал ғалабаси билан якунланди. Қарама-қаршиликнинг жавоб учрашуви 5 апрель куни Барселонадаги "Камп Ноу" стадионида бўлиб ўтади.
