«Бавария» ўз расмий сайти саҳифаларида ҳужумчи Эрик Шупо-Мотинг билан шартномани узайтирганини эълон қилди.
33 ёшли камерунлик футболчи 2024 йилнинг ўрталарига қадар мўлжалланган меҳнат шартномасини имзолади.
Эрик Шупо-Мотинг «Бавария»да 2020 йил октабр ойидан буён ўйнамоқда. Ўшандан бери ҳужумчи мюнхенликлар сафида 82 та ўйин ўтказган. Уларда 33 та гол урди ва шерикларига 10 та голли узатма берди.
Айни дамда Германия чемпионати турнир жадвалида «Бавария» пешқадамлик қилмоқда. Юлиан Нагельсманн шогирдлари навбатдаги ўйинни 4 март куни ўз майдонида «Штутгарт»га қарши ўтказади.