Мадриднинг “Реал” клуби бош мураббийи Карло Анчелотти ярим ҳимоячи Аурелиен Тчуаменининг пасайишига изоҳ берди.

Эслатиб ўтамиз, франциялик футболчи ўтган ёзда 80 миллион евро эвазига "қироллик клуби"га ўтган эди.

"Мавсумнинг биринчи ярмида Тчуамени қанчалик яхши ўйнаганини унутмайлик. У тез мослашиши билан ҳайратда қолдирди. У ақл бовар қилмас даражада эди. Ишончим комилки, Аурелиен тез орада ўзининг энг яхши формасига қайтади. Бунга шубҳам йўқ», - деди Анчелотти матбуот анжуманида.

Эслатиб ўтамиз, мавсум ўрталарида Тчуамени Франция терма жамоаси сафида жаҳон чемпионатида иштирок этганди. Ярим ҳимоячи турнирни яхши ўтказди, бироқ Аргентинага қарши финал ўйинидан кейинги серияда пенальтидан фойдалана олмади.