Madridning “Real” klubi bosh murabbiyi Karlo Anchelotti yarim himoyachi Aureliyen Tchuamenining pasayishiga izoh berdi.

Eslatib o‘tamiz, fransiyalik futbolchi o‘tgan yozda 80 million yevro evaziga "qirollik klubi"ga o‘tgan edi.

"Mavsumning birinchi yarmida Tchuameni qanchalik yaxshi o‘ynaganini unutmaylik. U tez moslashishi bilan hayratda qoldirdi. U aql bovar qilmas darajada edi. Ishonchim komilki, Aureliyen tez orada o‘zining eng yaxshi formasiga qaytadi. Bunga shubham yo‘q», - dedi Anchelotti matbuot anjumanida.

Eslatib o‘tamiz, mavsum o‘rtalarida Tchuameni Fransiya terma jamoasi safida jahon chempionatida ishtirok etgandi. Yarim himoyachi turnirni yaxshi o‘tkazdi, biroq Argentinaga qarshi final o‘yinidan keyingi seriyada penaltidan foydalana olmadi.