"Манчестер Сити" Бернарду Силванинг трансфер нархини камайтиришга тайёр.
Испаниянинг Sport нашри хабарига кўра, "шаҳарликлар" футболчини 65 миллион еврога сотишга тайёр. Эслатиб ўтамиз, аввалроқ Хосеп Гвардиола жамоаси португалиялик футболчи учун 80 миллион евро талаб қилганди.
Силва учун асосий даъвогар ҳамон "Барселона" бўлиб турибди. "Кўк-анорранглилар" президенти Жоан Лапорта тез орада Бернардунинг агенти билан учрашиб, келишув шартларини муҳокама қилади.
Силванинг ўзи ҳам Ла Лигага кўчиб ўтишга тайёр, чунки у Англияда 6 йиллик ўйнаганидан сўнг, бошқа чемпионатда ўз кучини синаб кўришни хоҳлайди.
