Англия чемпионатининг йигирма олтинчи туридан ўрин олган учрашувда “Брайтон” Лондоннинг “Вест Хэм” клуби дарвозасига жавобсиз тўртта гол урди ва бу “чағалайлар”нинг Англия футболи олий лигасидаги энг йирик ғалабасининг такрори бўлди.
Қизиғи шундаки, 4:0 ҳисобидаги илк ғалаба ҳам яқинда қўлга киритилган - ўтган йилнинг май ойида "Брайтон" "Манчестер Юнайтед"ни худди шундай ҳисобда мағлуб этганди.
Навбатдаги турда италиялик мутахассис Роберто де Зерби шогирдлари "Лидс" билан ўйнашлари керак, бу 11 март куни содир бўлади. Жамоа ҳозирда Премьер-лига турнир жадвалида саккизинчи ўринда бормоқда.
