"Бавария" раҳбарияти жамоа дарвозабони Мануэл Нойер билан янги меҳнат шартномасини имзолаш масаласини ҳалигача муҳокама қилмаган. Бу ҳақда клуб спорт директори Хасан Салихамиджич маълум қилди.
"Биз бу ҳақда ҳали гаплашмадик, лекин Мануел билан албатта суҳбат бўлади. Бизни Чемпионлар лигасида муҳим ўйин кутиб турибди - бу биринчи ўринда", - дейди клуб расмийси.
Жорий мавсумда Нойер Бундеслигада 12 та ўйинда майдонга тушиб, 11 та гол ўтказиб юборди.